კოლოსში ინდივიდუალური მიდგომა და მომხმარებელზე ორიეტირებული პირობებია

ბათუმს გვერდი ვერ აუარეს დიდმა მწერლებმა და პოეტებმა, მაგრამ ჩემთვის ფაქტია რომ ბათუმის ლიტერატურული ისტორია, ნამდვილად იმსახურებს სპეციალურ წიგნსა და გზამკვლევს, სადაც ის სახლები და ქუჩებიც იქნება აღწერილი, სადაც ანტონ ჩეხოვი ან ალექსანდრე ყაზბეგი ცხოვრობდნენ და ამ, საკუთარი წიგნის მიხედვით, თვითონაც ვიქნები ხოლმე ბათუმის გიდი და სტუმრებს იმ ადგილსაც ვაჩვენებ სიამოვნებით, სადაც ზღვის პირას, მიხეილ ბულგაკოვი იჯდა საღამოობით და მზის ჩასვლას, საკუთარი თვალებით კი უყურებდა, მაგრამ მაინც ვერაფრით იჯერებდა რომ ასეთი სასწაული, ასე ჩვეულებრივად ხდებოდა... არადა ბათუმში, სასწაულებიც ჩვეულებრივად ხდებოდა ყოველთვის და ისტორიასა და ლიტერატურაზე შეყვარებული ადამიანებისთვისაც, ყოველთვის საინტერესო იქნება რა სასწაული აკავშირებდათ ბათუმთან (მაგალითად) გალაქტიონ ტაბიძეს ან ოთარ ჭილაძეს და ვინ ნახა ერთხელ ბათუმის პორტში ანა კალანდაძემ ისეთი, რომ მერე ვერასოდეს დაივიწყა..